Цаг үе, үзэл бодол

Өглөөний мэдээ

2009-04-22T10:45:00.003+08:00

MNTV-ээр өглөө сэтгүүлч Ёлко, Оюунцэцэг(? чимэг) 2-ийн хөтөлдөг мэдээллийн хөтөлбөр гардаг болсон юм байна. Өнөөдөр зочиноор нь сэтгүүлч Бадамсамбуу оржээ. Мань хүн өнөө оройноос эхлээд 3 орой дэлхийн монголчуудын тухай нэвтрүүлэг бэлтгэснээ үндэсний телевизээр гаргах юм байна. Энэ гурван цувралаар хятадын гүнд 13 дугаар зуунд бас харьцангуй сүүлд Цогт тайжийн үед үлдсэн монголчууд бас афганд байгаа хазар монголчуудын талаар үзүүлэх юм байна.

NTV -ийнхэн бас дэлхийн монгол айл гэсэн төсөл хэрэгжүүлэн хэд хэдэн цуврал бэлтгээд байгаа билээ. Тэд хамгийн сүүлд афганы хазара монголчуудын талаар нэвтрүүлэг бэлтгэхээр явсан тухай тэмдэглэл энд байна. Цахим өртөө ТББ-ынхан 2 хазара монгол афган залууг монголд сургахаар болж байгаа тухай мэдээ байсан.Тэр мэдээлэл бас энд байна.

Хазара монголчуудын тухай бичсэн мэдээллийг http://www.google.mn/search?q=%D1%85%D0%B0%D0%B7%D0%B0%D1%80%D0%B0+%D0%BC%D0%BE%D0%BD%D0%B3%D0%BE%D0%BB гэж хайн дэлгэрүүлж үзээрэй.

Тайруулсан хэдэн улиас

2009-04-22T10:31:00.005+08:00

Хаврын хаварт хотын хэдэн улиасыг баахан тайрах юм. Сүүлийн хэдэн жил тайруулсаар байтал одоо зарим зүгээр л шонгийн мод болжээ. Энэ хөгжим бүжгийн урдуурх улиас бургасыг юучгүй болтол нь тайраад хаячихлаа. Тайрч засаж янзлах нь зүйн хэрэг боловч хамгийн гол нь түүнийг зөв тайрч байна уу цаашид ургах нөхцөл боломжийг бодолцож байна уу ямар нэг төлөвлөлт байна уу гэдэг асуудал байна. Тайрч байгаа хүмүүст тэр мод дахиад ургах эсэх нь хамаагүй мэт л тайраад байх шиг санагдаад байх юм. Хотын ногоон байгууламж бас энэ мод тайрч байгаа тухай энд бас бичсэн байна.

Орчуулга

2009-04-21T15:56:00.005+08:00

Обамад Чавас нэг ном бэлэглэсэн юм байна. Түүнийг нь манайхан янз янзаар орчуулсан байх юм. news.mn дээр Колумбийн зохиолч Эдуардо Галеаногийн Латин Америкийн венийн судсыг ханасан нь гэсэн нэртэй ном гэсэн бол mongolnews.mn дээр Латин Америкийн нээлттэй хураагуур судас гэж орчуулсан байх юм. Уг ном жинхэнэ нэр нь
Open Veins of Latin America: Five Centuries of the Pillage of a Continent юм байна.

Энэ бол зүгээр л жишээ бөгөөд орой TV -нүүдийн гадаад мэдээнүүд бол бүүр холион бантан болгоод сууж байдаг юм байна лээ. Бүгд хоорондоо зөрүүтэй юм ярьцгаагаад л. Орчуулгын мэдээ бэлтгэж байгаа хүмүүс нь уг зүйлийнхээ агуулга учит начирыг мэдэхгүй байгаагаас хандуулаад л хаяж байгаа хэрэг л дээ.

Миний шинэ блог

2009-02-10T02:27:00.002+08:00

Өөрийн ажил мэргэжилтэй холбогдуулан www.soyolerdene.com хаягаар шинэ блогоо нээлээ та бүхэн таалан соёрхоно уу.

Их хурд 4

2007-07-29T14:37:00.000+08:00

Их хурд 4 сайхан болж өнгөрлөө. Азарганд энэ жилийн улсын наадамд эхний 3 т давхисан 3 азарга яг тэр байрлалаараа явсаар байгаад барианд ойртох үед халтар азарга домогт хурдан хүлэг шарга азарганаас үүдэн хойморийн дайтай тасарч түрүүлэв. Яг барианд орох үед шарга азарганы хөл жаахан муудаж байгаа харагдана лээ. Эхний 3 азарга барианд орсоны дараа 4,5-ийн азарга бүүр сураг ч байхгүй тийм хол тасарч орсон. Тэр 3 ч ёстой мотортой юм шиг явж байсан даа.

Их насны уралдаан сонирхолтой болов. Барианаас гараад Архангай аймгийн Өлзийт сумын Үхэртар(Сангийн яамны газрын дарга)-ийн буурал өнгөлсөөр байв. Буурал морь өнгөлсөн Олонбаярын хээр морь, өнгөрсөн жил улсад түрүүлсэн УИХ гишүүн Батхүүгийн том хонгор морь гэх мэт 6,7 морь нилээд тасарсан байдалтайгаар газрын бараг хагасаас илүүг туулав. Харин түүнээс цааш Олонбаярын хээр ганцаар зайлан гарч барианд 2 км дутуу болтол түрүүлж явав. Хээр морийг ганцаараа урагшаа гарч ирэх үед араас цээжний хэд дээр 171, 172 номертой Архангайн Цэнхэр сумын улсын начин Д.Дашцэрэнгийн хээр, До.Мөнхтөрийн мөн хээр гэсэн 2 морь холбоотой юм шиг гарч ирж нийлэв. Бариа нилээд өгсүүр газар байсан. Тэр жаахан өгсүүрээд Цэнхэрийн 2 хээр Олонбаярын хээрийг хоёр талаар нь шахан гүйцэж түрүүлэн улмаар Мөнхтөрийн хээр түрүүлж Дашцэрэнгийн хээр аман хүзүүдэв. Олонбаярын хээрийг унасан хүүхэд нилээд дороос хээр морны амыг тавиад жаахан буруудсан байхаа.
Улмаар 3-т уг хээр морь, 4-т гарсан цагаас өнгөлсөөр байсан буурал оров. Ийнхүү их насанд Архангайхан тэр тусмаа Цэнхэр сумынхан тун сайхан наадав. Дашцэрэнгийн хээр бол улсад алдартай хурдан морь юм. Соёлон насандаа улсад шөвгөрсөн өнгөрсөн жил Тамирын хурдад түрүүлсэн энэ жил улсад 16 т давхисан билээ. Харин түрүүлсэн хээр энэ жил аймагтаа түрүүлсэн, улсад бол битүү морь юмаа. Ийнхүү шигшмэл хурдан морины уралдаанд манай цэцэрлэгийн голын хээр морь түрүүлж нутаг усныхнийгаа баярлуулав.

Дашцэрэнгийн хээр морин уяач бол нутагтаа жаахан Дамиа гэж нэрэглэдсэн хүн байдаг юм. Манайхан айл саахалт зусаж морьдоо хамт үсэргэж уяж уралдуулдаг айл саахалт хүмүүс билээ.

Дашцэрэн, Мөнхтөр 2 уулаа Цэнхэрээс Түвшрүүлэхэд ирж 10 аа төгсөж байсан. Энэ 2 бараг нэг анги бил үү тун ойролцоо настай санагдана. Тэр үед би 5,6 ангид байсан юмаа.

Нутаг усны бүүр нэг дорын морьд их хурдад түрүү үзүүр авч байхыг хараад сэтгэл тун хөдлөж сайхан байлаа.

Миний хэрэглэдэг гарны драйвер

2007-01-30T14:04:00.000+08:00

Би анх компьютер 1992 оноос хэрэглэж эхлэсэн байх юм. Тэр үед байсан XT-нүүдэд монголд фонт бараг байхгүй заримд нь харин монголоор бичих боломж бий болгосон байдаг байв. Тийм бичих боломжтой болгосонг нь монгол фонт шарсан гэж ярьдаг байсан санагдана. Тэр үед А –аасаа DOS 3.30 aa ачаалаад гарны драйвераа уншуулаад B –ээсээ Турбо Си 2.0 оо ачаалаад л цаг нарыг мартаад суудаг байж билээ. Тэр үед байсан нэг гарны драйвер нь moslast гэж байсан юм. Мосласт гэдэг энэ байрлал нь латин А дээр дарвал кирилл А гардаг латин S дарвал кирилл С үсэг гардаг тийм байрлал юм.

Би одоо ч Windows дээр тэр байрлалаар бичдэг. Анх windows 3.1 гарч ирээд Оргилтех monwin ээ анх хийхэд 3 товчтой байсныг тэр үеийн хүмүүс санаж байгаа болов уу. Тэр бол 1996 оны үед. Харин дарааханаас нь одоогийн бүх нийтээрээ ашиглаж байгаа энэ байрлал статндартаар батлагдаад оргилтех ч мосластийн товчоо авч хаяв. Энэ үеэс эхлээд би зөвхөн өөртөө зориулж гарны драйверүүдийг засдаг ажилтай болов.

Анх виндовс 98 ийн .kbd файлыг засав. Ямар нэг улсын гарны драйвер суулгачихаад дараа нь өөрийнхөө зассангаар дарчихна. За тэгээд сүүлдээ monkey, windows xp ийн kbdmon.dll гээд бүгдийг нь зассан даа.

Хэрвээ миний бичдэг байрлалыг сонирхож байгаа хүн надаас эдгээр өөртөө зориулж зассан драйверүүдийг авч болно шүү.

Саяхан би компьютерээ шинэчлээд шинэээр бүх юмаа суулгаваа тэгээд за одоо ингээд яг хүмүүсийн бичдэг тэр байрлалаар бичээд суръя гээд нэг хэсэг үзсэн боловч чадсангүй буцаад л нөгөө мосластаа суулгачихсан одоо ч тэрүүгээр л бичиж байна.

Одоо виндовс виста дээр засах хэрэг гарах болуу эсвэл xp –ийн dll таарах болуу гэж бодоод л суужийна даа.

lavlav.mn сайтын ангилал

2007-01-18T10:30:00.001+08:00

Энэ сайтаар орж үзлээ. Тэгээд веб байршуулах үйлчилгээ гэсэн хэсэгт нь лав миний мэдэх веб хост хийдэг компани байхгүй байхын. Ядахдаа датаком ч юм уу. Энэ өөрсдөө хийсэн ангилал юм бол уу. Эсвэл татвар дээр бүртгэсэн төрөл юм болуу. Лав энд байгаа компаниудаас Magicnet- ээс бусадыг нь мэдэхгүй компаниуд байна. Та нар мэдэх үү.

TV мэдээ

2007-01-17T10:24:00.000+08:00

Өчигдөр TV -ээр мэдээ харж суутал Сангийн яам бүй аж ахуйн нэгжийн санхүүгийн тайланг үзэх боломжтой веб хийсэн тухай ярьж байна. Тэгээд овоо ш тээ ямар хаягтай юм бол гээд хэлэхийг нь хүлээгээд байсан чинь хэлдэггүй. Юу гэсэн үг вэ веб сайт нээгдсэн тухай мэдээнд веб сайтын хаяг байдаггүй. Тэр мэдээг бэлтгэсэн сэтгүүлч гэж мэдлэг нимгэн нэгэн байждээ гэж бодогдлоо.